नवलपुर- पूर्वी नवलपरासीको गैँडाकोट नगरपालिका १ स्थित नारायणी नदी किनारमा तीन वटा बेवारिसे शव फेला परेको छ । मजुवा सामुदायिक वन नजिक नारायणी नदी किनामा दुई पुरुष र एक महिलाको सडेगलेको अवस्थामा शव फेला परेको जिल्ला प्रहरी कार्यालय नवलपरासी बर्दघाट सुस्तापूर्वका प्रहरी नायव उपरीक्षक वेद बहादुर पौडेलले बताउनुभयो ।
हाल सम्म सनाखत नभएका अन्दाजी ६० वर्ष र ४५ वर्ष उमेर जस्तो देखिने दुई वटा पुरुषको शव र अन्दाजी ४५ वर्ष उमेर जस्तो देखिने एक वटा महिलाको शव भेटिएको पौडेलले जानकारी दिनु भयो ।
नारायणी नदीमा आज विहान माछा मार्न गएका माझिहरुले शव देखे पछि प्रहरीलाई खवर गरेका थिए । घटनाको बारेमा थप अनुसन्धान भई रहेको जनाइएको छ ।
Leave A Comment