पूर्वी नवलपरासी- पूर्वी नवलपरासीमा गैंडाको आक्रमणमा परी एक जनाको मृत्यु भएको छ । जिल्लाको मध्यविन्दु नगरपालिका वडा नम्बर ६ भडारा बस्ने ६५ वर्षिय नाथुराम थारुको बारीमा आलु लगाउन गएको अवस्थामा अचानक गैंडाको आक्रमणमा परी मृत्यु भएको जिल्ला प्रहरी कार्यालय पूर्वी नवलपरासीका प्रहरी नायव उपरीक्षक जेशी शाहले बताउनुभयो ।
मृतक नाथुराम दुई बुहारी सहित घर नजिकैको बारीमा आलु लगाउन गएका थिए । उनको पेट र टाउकोमा गम्भिर चोट लाग्न गई घटनास्थलमा नै मृत्यु भएको प्रहरी नायव उपरीक्षक शाहले जानकारी दिनुभयो । अहिले घटनास्थलमा अनुसन्धानको काम भैराखेको प्रहरीले जनाएको छ ।
Leave A Comment